Już za pora dni, w tyn weekend odbydzie sie 23. edycjo Tatto Konwent – ogólnopolskigo festiwalu tatuażu. 23/24 Wrześnio na terynie Galerii Szyb Wilson, tatuatorzy z cołkigo kraju blank na żywo bydom łonaczyć na skorze swoich modeli prawdziwe dzieła sztuki. Na Liście atrakcji KTK som też miyndzy innymi koncerty składow hip-hopowych - ekipy Dwa Sławy i Otsochodzi Soundsystem i tyż Schizmy i CF98 - kerzi som reprezyntantami polskigo hardcore/punk. Wszystki fany tatuażu obejrzom se tyż pokazy pole dance, bodypaintingu i sztuki flair i bydom brać udział w innych roztomańtych ganc fajnych fajerach.
TK to je impreza cykliczno, kerej celym je pokozani szyrszej publiczności jako wyglondo artystyczno strona sztuki łonaczynio tatuażu. Na festiwalu bydom fest gryfni tatuażyści, kerzi przed innymi przedstawicielami tej zorty sztuki, tymi kerzi sie na tym znajom i tysioncami odwiedzajoncych bydom prezyntować kreatywność i grajfka. Dziynki tymu uczestniki imprezy majom szansa luknyć szyroki spektrum stylow i motywow, mogom poszukać inspiracji i poznać rodzimo branża tatuatorsko łod waszkuchnie.
Jak ta impreza bydzie w gangu, to na scynie bydom prezyntowane roztomańte wzory, wystawiane w kilkunastu kategoriach szpilkonkursu. Jury wybiyro te nojbardzi ciekawe. Wśród wystawcow tej edycje znejdom sie tukej studia z cołki Polski. Nie braknie sam też silnej reprezyntacje lokalnych salonow, miyndzy kerymi mogymy wymiyniyć: Chyba ty Tattoo, Speak in Color, Lucky Tattoo, Zmierzloki Tattoo czy tyż Inkspiracy. Na katowicki konwyncji odbydzie sie tyż czworto edycjo „Dziarki w ciemno”, przi kierej szumne tatuatory blank za darmo wyonaczom wzory na ciele tych kerzi wygrajom łorganizowany pryndzy konkurs. Ło tym jaki motyw bydzie grajfnyty na ciele tatuowanego bydzie decydowoł artysta, a efekt jego roboty, tyn kerymu to na świyżo bydzie łon robiył, obejrzi se dopiyro jak tatuażysta łodstawi swoj wercojg.
Roztomańty zort sztuki na Tattoo Konwent
Każdy dziyń KTK bydom kończyć atrakcje muzyczne. W sobota jak już bydzie ku cimokowi polecom hip-hopy. Przed publikom szpece od szpilowanio jynzykiym - duet z Łodzi Dwa Sławy i tyż Otsochodzi Soundsystem - fest gryfny przedstawiciel młodego pokolynio na scynie rapowej. W niedziela w Galerii Szyb Wilson grontami zatrzynsie, bo bydzie grała Schizma - jednej z nojdłuży fongujoncy zespoł hardcorowy. Do fanow punkowych deczko jednak lekszych melodyjnych brzmiyń wystompi CF 98.
We strefie chill bydom grać dje: PZG, BC, Fatcut. Ze scyny pokazowej polecom sety Sayuri.
W programie festiwalu znejdły sie tyż pokazy performatywne, w tym pełny gryfnego seksapilu wystymp Aleksandry Bednarz, mistrzyni Polski i bronzowej medalistki Mistrzostw Świata w tańcu pole dance. Dodatkowo dziynki umiejyntnościom Michała Strzelczyka, publicznośc TK przekono sie, że szykowani drinkow to ni musi być jakoś oklano robota, a może być fest fajno na zicher sztuka. Na festiwalu bydzie se tyż moc łobejrzeć efekty roboty Marcina Folgi, kery zajmuje sie bodypaintingiem czyli piyknie sztrajchuje skora na ludziach. Atrakcje dodatkowe konwentu nie bydom yno wele scyny pokazowej. W cołki przestrzyni Galerii Szyb Wilson działać bydom na zicher richtowane strefy tematyczne: motoryzacyjno, animacje do bajtli, modowo i barbersko a też bydzie plac kaj pójdzie co zszamać z foodtrakow, kere tam bydom stoły.
We strefie chill bydom grać dje: PZG, BC, Fatcut. Ze scyny pokazowej polecom sety Sayuri.
W programie festiwalu znejdły sie tyż pokazy performatywne, w tym pełny gryfnego seksapilu wystymp Aleksandry Bednarz, mistrzyni Polski i bronzowej medalistki Mistrzostw Świata w tańcu pole dance. Dodatkowo dziynki umiejyntnościom Michała Strzelczyka, publicznośc TK przekono sie, że szykowani drinkow to ni musi być jakoś oklano robota, a może być fest fajno na zicher sztuka. Na festiwalu bydzie se tyż moc łobejrzeć efekty roboty Marcina Folgi, kery zajmuje sie bodypaintingiem czyli piyknie sztrajchuje skora na ludziach. Atrakcje dodatkowe konwentu nie bydom yno wele scyny pokazowej. W cołki przestrzyni Galerii Szyb Wilson działać bydom na zicher richtowane strefy tematyczne: motoryzacyjno, animacje do bajtli, modowo i barbersko a też bydzie plac kaj pójdzie co zszamać z foodtrakow, kere tam bydom stoły.
Bilety
Cały czos trwo przedsprzedaż biletow. Tera za bilet na jedyn dziyń trza wyszarpać z kapsy 35 zł, za karnet na dwa dni domy 45 zł. Idzie tyż kupić se bilet na dwa dni do trzech ludzi ( cyna to 115 zł) abo tyż idzie se szafnyć wejściowki VIP (za 250 zł). Bilety bydzie tyż szło kupić zanim sie wlezie na teryn wydarzynio (bilet jednodniowy bydzie kosztować 45 zł, a na dwa dni 60 zł). Szpikole do 12 roku życia i syniory kerzi majom 60 lot i wiyncy wlezom blank za darmo. Bilety i wiyncy informacji, kere dotyczom tego wydarzynio idzie znejść na stronie www.katowice.tattookonwent.pl
